‘Boy Pick-Up’ vs ‘Panday’ sa Bubble Gang

Naging trending topic sa Twitter nitong Biyernes ng gabi ang longest-running gag show on Philippine television na Bubble Gang kung saan nakipagtagisan ng pick-up lines si “Panday" ni Sen Ramon “Bong" Revilla Jr. laban sa kampeon na si “Boy Pick-up" ni Ogie Alcasid.

Sa unang round ng naturang segment ng Bubble Gang tungkol sa pick-up lines, nakasagupa at tinalo ni "Panday" si “Dahon" na karakter ni Antonio Aquitania.

Kabilang sa hirit ni Sen Bong o “Panday" kay Neneng B (Sam Pinto) ay:

Panday: “Rabies ka ba?
Neneng B: “Bakit?"
Panday: “Kasi nauulol ako sa’yo"

Dahil sa pagkapanalo ni Panday kay Dahon, si Panday ang nakaharap ni Boy Pick-up sa second round.

Pero kahit may kalakasan ang sigaw ng mga miron para kay Panday, nanatili pa ring kampeon si Boy Pick-up.

Aliw na aliw naman ang mga nakapanood sa naturang episode at ipinaalam nila ito sa pamamagitan ng post ng kanilang message sa Twitter. Narito ang ilan sa napakaraming mensahe kaya nag-trending ang Bubble Gang: